Анод Зоос банкны дуулиантай зэрэгцэн сөхөгдөн гарч ирсэн “Монгол газар”-ын Ц.Мянганбаярын өр хийгээд олон банк дам­жуулан зээлийн барьцаанд тавьсан Олон-Овоотын алтны уурхайн лицензтэй холбоотой асуудал хэрхэн шийдэгдэх нь тодорхойгүй байх зуур “Голдман сакс”лицензийн асуудлаар олон улсын арбитрын шүү­хэд хандсан гэсэн дуулиан дэгдээд байгаа.

Хавар иржээ. Хэдийгээр гадаа агаарын температур хасах хэмтэй хэвээр байгаа ч хаврын уур амьсгал мэдрэгдэж эхэллээ. Үхэр жилийн өвлийн сар мал, малчдад цаашлаад монголчууд бидэнд хатуухан хандаж гурван сая гаруй толгой малыг маань булаан одов. Хавар ч хатуухан байх төлөвтэй.

Энэ сарын 3-ны өдөр “Эрэл” сургуулийн хашаанд зодоон болж, хоёр ч хүүхэд хүнд гэмтсэн хэрэг гарсан билээ. Энэ өдөр Хувийн сургуулиудын холбооноос “Эрэл”, “Хобби”, “Шинэ үе”, “Шинэ Монгол”, “Орчлон” сургуулийн ахлах ангийнхны дунд сагсөн бөмбөгийн тэмцээн зохион байгуулсан бөгөөд тэмцээнээс болж маргалдан зодолдсон “Эрэл”, “Шинэ үе” сургуулийн хүүхдүүдийг цагдаагийн байгууллага шалгаж эхлээд байна.

Иргэний хөдөлгөөнийнхөн Иргэний нэгдсэн холбоо байгуулж, тэргүүнээр нь Ж.Батзанданг сонгон, Ерөнхий зохицуулагчаар О.Магнай ажиллах болжээ. Тус холбооноос маргааш Улстөрчдийг шүүх иргэний их хурал зохион байгуулж, Сүхбаатарын талбайд жагсахаар бэлтгэж байна.

Үндэсний манлай үйлдвэрлэгч “АПУ” Хувьцаат компани Монголын хүнс үйлдвэрлэлийн салбарт 86 дахь жилдээ үйл ажиллагаа явуулж буй. Өнгөрсөн онд 60 нэр төрлийн 45.5 сая литр бүтээгдэхүүн үйлдвэрлэсэн бөгөөд улсын төсөвт 44 тэрбум төгрөгийн татвар төлж “Манлай татвар төлөгч” байгууллагаар шалгарч улсын төсвийг бүрдүүлэгч байгууллагуудыг жил дараалан тэргүүлсээр байна.

Америкийн дуучин хөгжимчин Стив Уандер Францын урлагийн дээд одонгоор шагнуулав. Парист болсон шагнал гардуулах ёслолын ажиллагаан дээр Францын соёл урлагийн сайд Фредрик Меттеран шагналыг Стив Уандерт гардуулсан байна. Дуучин анх 1981 онд уг шагналд нэр дэвшиж байсан бөгөөд үүнээс 29 жилийн дараа энэ одонг авлаа гэж "BBC News" мэдээллээ.

Монгол дахь Германы Элчин Сайдын яамнаас жил бүр зохиогддог герман хэлний боловсролын үзэсгэлэн яармаг энэ сарын 20-нд Хүүхдийн номын ордонд болно. Тус үзэсгэлэнд хүрэлцэн ирснээр ХБНГУ-д тэтгэлэгтэйгээр суралцах, судалгаа хийх болон герман хэлний шалгалтыг Улаанбаатар хотод яаж өгөх цаашлаад Герман улсад боловсрол эзэмших боломжийн талаар мэдээ мэдээлэл, олон асуултын хариуг авч болох юм.

Өчигдөр авсан мэдээллээр орос боксчин Валуев Кличкотой 2,5 сая доллараар тоглохоос татгалзсан бололтой. Ингэснээр боксын хүнд жингийн дэлхийн аварга Виталий Кличко Европын аварга Польшийн тамирчин Альберт Сосновскийд тулалдахыг санал болгожээ. Мэргэжлийн талбайд Сосновский 48 тулаан хийсний 45-д нь ялалт байгуулж, хоёр хожигдон нэг тэнцсэн үзүүлэлттэй байгаа бөгөөд WBC-ийн хүнд жингийн жагсаалтад одоогоор 13 дугаарт бичигдэж байгаа юм.

Британийн "Delta Motorsport" компанийн бүтээсэн "Delta E 4 Coupe" цахилгаан машин Америк Британид зарласан байгальд ээлтэй машины "X-prize" уралдаанд оролцохоор болжээ. 10 сая долларын шагналын сантай "Progressive insurance" даатгалын пүүсээс зохион байгуулж буй энэ тэмцээн нь 2010 онд таван үе шаттай болно.

Испанийн дуурийн нэрт дуучин Пласидо Домингод хийсэн гэдэсний хорт хавдрын хагалгаа амжилттай боллоо гэж дуучны хэвлэлийн албаны төлөөлөгч Нэнси Сельтцер мэдээлжээ.

Монгол Улсад уул уурхайн чиглэлээр үйл ажиллагаа явуулж байгаа олон компаниуд нөхөн сэргээлт хийлгүй орхиж, байгальд сөрөг нөлөө үзүүлэх нь хэрээс хэтэрч байна. Байгаль орчны яамнаас нөхөн сэргээлтийг хэрхэн, яаж гүйцэт хийлгэх талаар ярьж хэлэлцээд оновчтой шийдвэр гаргажээ.

Алдарт “SONY” корпорацийн гэрийн нөхцөлд зориулсан цоо шинэ гэж болох 3D зурагт зургадугаар сарын 10-наас эхлэн худалдаалагдаж эхлэх гэнэ. 46 инчийн 3D зурагт 350 мянган иен буюу 3898 ам.долларын үнэтэй байх ба энэ нь “SONY”-гийн энгийн хавтгай дэлгэцтэй зурагтаас даруй 52 хувиар үнэтэй юм.

Хотын тєв хэсгийн 11 байршилд автомашины тєлбєртэй зогсоол байгуулах шийдвэрийг НИТХ-аас гаргаад багагүй хугацаа єнгєрч байна. Нэг цагийн 200 тєгрєгийн тєлбєртэй уг зогсоол ирэх тавдугаар сараас ажиллаж эхлэхээр болжээ.

Ардчилсан хүчний холбооны анхдугаар хуралдаан салбар хуралдаанаар үргэлжлэх юм. Энэ дагуу Төрийн ордны “А” танхимд УИХ-ын гишүүн С.Эрдэнэ, НИТХ-ын тэргүүлэгч Э.Тамир, салбар хуралдааны дарга, Удирдлага бодлого судлал хүрээлэнгийн захирал, доктор, профессор Т.Лхагваа нар “Шинэ Улаанбаатар” сэдвээр илтгэл тавина.

О.Магнай, Ж.Батзандан нарын удирдаж байгаа Иргэний нэгдсэн холбоо маргааш Улстөрчдийг шүүх ард түмний анхдугаар хурлыг зохион байгуулж Сүхбаатарын талбайд жагсаал хийх гэж байна.